Tom’s Deli het ´n gedagte begin word na ´n naweek in Pretoria. Tom Bruwer en sy vrou Mien was van daar af oppad terug Kimberley toe, toe sy by hom wou weet wat hy gaan doen – na sy beplande aftrede twee jaar verder.

Sonder huiwering het hy geantwoord dat hy graag sy passie om met vleis te werk sou wou uitleef. Tipies vrou wou Mien weet “waar” dit sou gebeur en Tom het tipies man, geantwoord:

“Sommer in die garage by die huis”. Hierna het vele ure se dink en planne beraam uiteindelik gestalte begin kry toe besluit is om ´n bestaande deel van Willmore’s (Mien se besigheid) se geboue te omskep in die Deli.

Op 1 Julie 2012 open Tom’s Sausage Deli formeel sy deure vir die publiek.

Drie jaar later word Tom gedwing om weens gesondheidsrede sy passie te heroorweeg. Met genade en ingryping van Bo kruis my en die Deli se paadjies.

Sedert Januarie 2016 is ek die nuwe eienaar en moet ek sterk wees om Tom se skoene en nalatenskap vol te staan.

Die Deli het ook ´n paar nuwe skoene aangetrek gedurende 2016 en as gevolg daarvan het wildsvleisverwerking ´n integrale deel van ons elke dag geword.

Deesdae verskaf ons ook produkte aan plaaslike gastehuise en hotelle en ook aan gastehuise in omliggende dorpe. Ons bedank julle hartlik vir julle getroue ondersteuning.

Kom loer dus in vir ´n lekker stukkie braaivleis, biltong en droë wors of ´n sopie tuisgekookte suurlemoenstroop.

Deli groete, 
H